3005 Grimsi BA  nýr fiskeldisbátur i þorlákshöfn i dag 24 júni mynd þorgeir Baldursson 

3005 Grimsi Ba og 7219 Dagný ÁR 9 I Þorlákshöfn i dag 24 júni mynd þorgeir Baldursson

    1585 Marz Re 34 mynd Jói Sig 2021

Eldborg Ek oo14 í Cent mynd Jói Sig 2021

       Systurskipin Börkur Nk 122 og Vilhelm þorsteinsson EA 11 á Neskaupstað í gær

mynd Guðlaugur Björn Birgisson  og kann ég honum bestu þakkir Fyrir afnotin 

og þetta er í fyrsta sinn sem að skipin hafa verið að saman á Íslandi 

               Haltnen Bank 11EX Árbakur EA 308 í Cent  mynd Jón sig 7júni 2021

Haltnen Bank 11EX Á árvakur Ea308 mynd Jói Sig                   Haltnen Bank 11EX Árbakur EA 308 mynd Jói Sig 2021

                                                                                           2983 Börkur Nk 122 siglir meðfram Nipunni i Neskaupstað á leið til heimahafnar i fyrsta sinn  Mynd þorgeir Baldursson 3 júni 2021

                  Birkir Bárðarsson og Hafþór Jónsson um borð i Gefjuni EA510 mynd þorgeir Baldursson

2836 Gefjun EA510 (EX Blossi IS ) Mynd þorgeir Baldursson  Undanfarnar vikur hefur Hafrannsóknastofnun svipast um eftir loðnu á grunnslóð í Eyjafirði, Skjálfanda og víðar fyrir norðan land. Ekkert afgerandi magn hefur sést. „Við höfum verið að sverma fyrir þessari síðbúnu göngu af loðnu,“ segir Birkir Bárðarson, fiskifræðingur á Hafrannsóknastofnun. Hann hefur undanfarnar vikur farið í nokkra rannsóknaleiðangra fyrir norðan land þar sem loðnu hefur verið leitað, einkum í Eyjafirði og á Skjálfanda. „Við erum nefnilega alltaf að fá fréttir af loðnu sem er að hrygna fyrir norðan. Við viljum sjá hvort það er kynþroska loðna þarna og hvenær hún er á ferðinni og reyna að átta okkur á í hve miklu magni.“ Birkir hefur verið á bátnum Gefjun EA sem Hafþór Jónsson gerir út og reiknar með að fara líklega nokkrar ferðir til viðbótar í sumar, að minnsta kosti á meðan loðnan lætur eitthvað sjá sig. Fylgja eftir fréttum „Þetta byggist svolítið á því að vera í sambandi við menn og fá fréttir. Við höfum verið að fylgja eftir fréttum þar sem menn hafa orðið varir við loðnu, og loðna hefur verið í mögum á fiski. Ég hef skoðað þá loðnu en við höfum á þessum svæðum ekki séð neitt afgerandi magn í mælingunum.“ Til magnmælinga er notast við bergmálsmæla sem hægt er að kvarða og samhliða því er safnað í háfa sem dregnir eru af bátnum. „Svo erum við líka með myndavélar sem við setjum niður, bæði til að geta greint fisk sem er í torfum sem við sjáum á mælunum, og svo höfum við líka verið að setja myndavélarnar niður á botn á líklegum hrygningarsvæðum til að geta séð hvort loðna hafi hrygnt þar nýlega. Þá ættum við að sjá eggin á botninum. Þó að við hittum kannski ekki á hana getum við skyggnst svolítið aftur í timann, sjá hvort hún hafi verið þarna að hrygna.“ Fylgst með hvölum Því til viðbótar hefur verið fylgst með hvölum, og sérstaklega þá hnúfubökum. „Þeir fylgja oft loðnugöngum. Þegar við höfum orðið varir við þá inni á fjörðum þá höfum við reynt að taka sýni úr þeim og jafnvel setja gervihnattarmerki í þá. Við tökum húðsýni úr þeim sem gefa okkur vísbendingu um hvað þeir hafa verið að éta síðustu daga og viku, og þá getum við séð merki um það ef þeir hafa mikið verið að éta loðnu. Svo er líka áhugavert ef við náum að setja merki í þá að fylgjast með því hvar þeir halda sig, ef þeir geta bent okkur á líkleg svæði.“ Birkir segir þessar rannsóknir vera nýjung hjá stofnuninni. Sérstakur viðbótarstyrkur frá atvinnu- og nýsköpunarráðuneytinu gerði þær möguleikar og Birkir segir ástæðu til að hrósa ráðuneytinu fyrir „að hafa haft innsæi í að styrkja svona verkefni sem snýr ekki beint að stofnmati fyrir ráðgjöf heldur að við erum að reyna að átta okkur á því hvað er að gerast. Þetta er í rauninni eitthvað sem við þyrftum að gera meira af, en okkur bara skortir fjármagn til.“ Heimild Fiskifrettir.is

                                                            2963 Harðbakur EA3  mynd þorgeir Baldursson 

„Fast þeir sóttu sjóinn,“ segir í þekktu dægurlagi og víst er að áhöfn Harðbaks EA, ísfisksskips Útgerðarfélags Akureyringa, gerir það.

Harðbakur landaði fullfermi á Dalvík snemma í morgun, um 90 tonnum af slægðum fiski, aðallega þorski. Skipstjórinn segir að það hafi verið dásamleg tilfinning að sigla inn Eyjafjörðinn í veðurblíðunni með góðan afla.

3000 tonn á 100 sólarhringum

Þegar afli Harðbaks er tekinn saman frá 15. febrúar til dagsins í dag sést vel að fast er róið. Á rúmlega eitt hundrað sólarhringum hefur 37 sinnum verið landað og aflinn er samtals 3.018 tonn. Að jafnaði hefur því verið landað um 80 tonnum eftir hverja veiðiferð.

Guðmundur Ingvar Guðmundsson skipstjóri segir að þessi túr hafi tekið tvo og hálfan sólarhring, rétt um sólarhring hafi tekið að fylla skipið.

Hráefninu ekið norður

Við erum ellefu um borð, allt saman stálkarlar. Harðbakur hefur aðallega landað Í Þorlákshöfn, Hafnarfirði, Grundarfirði og í Bolungarvík,

frá þessum stöðum er hráefninu svo ekið norður til Dalvíkur og Akureyrar. Í raun og veru er oftast landað næst þeim stað sem við erum við veiðar, sem skýrir fjölda veiðiferðanna að nokkru. “

Indæl tilfinning að sigla inn Eyjafjörðinn með fullfermi

Harðbakur kom nýr til Akureyrar seint á síðasta ári en skipið var smíðað í Noregi.

Guðmundur segir skipið gott í alla staði, bæði hvað varðar vinnslubúnað og aðbúnað áhafnarinnar.

„Það eru tvær áhafnir á skipinu, Covid hefur haft töluverð áhrif á frítúra en núna fer þetta allt saman að komast í rétt horf hjá okkur.

Jú, jú, það var sannarlega indæl tilfinning að sigla inn Eyjafjörðinn í nótt með fullfermi af góðum fiski og ekki skemmir fyrir að hafa rofið 3.000 tonna múrinn í leiðinni,“ segir Guðmundur skipstjóri. 

                                             2891  Kaldbakur Ea 1 myndþorgeir Baldursson 2020

Kaldbakur EA 1, ísfisktogari Útgerðarfélags Akureyringa, kom til heimahafnar í gær með 190 tonn af góðum fiski eftir aðeins fimm daga veiðiferð.

Kaldbakur hélt til veiða strax eftir að búið var að landa aflanum, sem tók um fimm klukkustundir.

Fiskurinn verður kominn til erlendra viðskiptavina Samherja síðar í vikunni, að því er segir á heimasíðu Samherja.

Ferskleikinn í fyrirrúmi

„Við vorum á veiðum í þrjá og hálfan sólarhring, siglingin vestur tekur sautján klukkustundir og sama tíma tekur að sigla heim.

Uppistaðan er þorskur og svo ufsi, aflinn í þessum túr var að jafnaði um níu tonn í hali (holi).

Afkastageta veiðarfæranna er mun meiri en mestu skiptir að fara sem best með aflann og koma með hann til lands eins ferskan og kostur er.

Öll vinnslan um borð miðast við að hámarka gæðin,“ segir Sigtryggur Gíslason skipstjóri, og bæti við.

„Já, þetta eru um 190 tonn sem þýðir fullfermi.

Til þess að ná þessari tölu þarf meira að segja að geyma nokkur tonn í kælisniglunum og halda fiskinum þar undir núll gráðum, þannig að ferskleikinn haldi sér.

Við vorum aðallega á Halamiðum, þar hefur veiðin verið mjög góð og líklega förum við aftur vestur þegar búið er að landa, sem tekur um fimm tíma.

Við erum þrettán um borð og auðvitað er þetta töluverð vinna þegar veiðist svona vel. En þetta eru hörku strákar og áhöfnin er samhent og vel sjóuð.

Við erum með tvær áhafnir, núverandi áhöfn fer í frí eftir sjómannadaginn,“ segir Sigtryggur.

Mikill hraði

Gestur Geirsson framkvæmdastjóri landvinnslu Samherja segir í fréttinni að afli Kaldbaks fari aðallega til vinnslu á Akureyri, hluti aflans fari þó til vinnslu á Dalvík.

„Við förum langleiðina með að vinna úr afla Kaldbaks í dag. Þetta er gæða hráefni og stærstur hlutinn fer til viðskiptavina okkar í Frakklandi, bæði með flugi og skipi.

Hraðinn í vinnslunni er mikill, enda vilja kaupendur fá hráefnið sem ferskast. Fiskurinn sem fer með flugi til Frakklands verður sem sagt kominn til kaupenda síðar í vikunni.

Til þess að allt þetta gangi upp þarf samhæfingu margra og gott skipulag.“

„Allur flotinn verður inni á sjómannadag og við þurfum að stilla vinnsluna samkvæmt því, þar sem ekkert verður um landanir í vikunni eftir sjómannadaginn.

Þess vegna landa líklega þrír togarar hjá okkur á föstudaginn, svo dæmi sé tekið. Þetta hefst allt saman og verður auðveldara þegar veiðin er svona góð,

eins og verið hefur að undanförnu,“ segir Gestur.